Kapin sa duha ka milyon nga mga tawo gikan sa Japan ug uban pang mga nasud ang gilauman nga mobisita sa Sapporo Snow Festival sa Sapporo, Hokkaido, Japan, nga nagpakita sa mga estatwa nga gikulit gikan sa niyebe kun snow.
Ang ika-76 nga Sapporo Snow Festival gipahigayon sa tulo ka mga lugar sa siyudad, lakip ang Odori Site, Susukino Site, ug Tsu Dome Site. Nagsugod kini niadtong Pebrero 4 ug matapos sa Pebrero 11, ug libre ang pagsulod alang sa mga bisita.
Sa nangaging mga Snow Festival, ang highlight sa tinuig nga selebrasyon mao ang tradisyonal nga pag-apil sa Ground Self-Defense Force’s Northern Army sa pagtukod og higanteng mga snow statue.
Ang mga lungsuranon nga miapil sa paghimo og lain-laing mga klase sa ice sculptures nga nagsilbing dekorasyon sa mga lugar, diin ang usa ka popularity poll gihimo pinaagi sa usa ka smartphone app. Adunay usab usa ka espesyal nga kalihokan sa kolaborasyon sa Daiwa House Premist Dome o Sapporo Dome.
