Gikumpirma ni Interior Secretary Jonvic Remulla nga nakigkita siya sa Chinese Ambassador to the Philippines nga si Jing Quan niadtong Huwebes, diin iyang gipasalig nga ang diskusyon naka-focus sa pagpagaan sa tensyon tali sa Pilipinas ug China.
Giklaro ni Remulla nga ang mga isyu sa teritoryo wala gihisgutan atol sa ilang meeting.
Hinuon, matod niya, gihisgutan sa duha ka habig ang mga paagi aron mapaayo ang bilateral nga relasyon, lakip ang pagpalapad sa mga pagbayloay og kultura.
Dugang niya nga gihisgutan usab ang kasamtangang kooperasyon sa kalinaw ug kahusay.
Sa sayo pa, giingon sa kalihim nga nagplano siya nga mobisita sa lungsod sa Kalayaan sa Palawan, human sa pahayag sa Embahada sa China nga ang pipila ka mga opisyal gikan sa munisipyo gidid-an sa pagsulod sa China.
Gipasiugda ni Remulla nga personal niyang gibarugan ang pag-angkon sa soberanya sa Pilipinas.
Gikumpirma usab sa Embahada sa China sa Manila ang meeting sa usa ka post sa social media.
Sumala sa embahada, ang duha ka habig nagbayloay og mga panan-aw sa pagpalig-on sa kooperasyon sa pagpatuman sa balaod ug pagsiguro sa kaluwasan ug lehitimong mga katungod ug interes sa mga lungsuranon sa China sa Pilipinas.
