Sugdan ni Alex Eala ang iyang kampanya sa Dubai Tennis Championship batok sa usa ka pamilyar nga duwa human siya ma-draw sa main draw sa prestihiyosong WTA 1000 event.
Ang Filipino tennis ace makigsangka kang American bet Hailey Baptiste sa round of 64 sa tinguha nga makaabante sa sunod nga yugto sa torneyo.
Katapusang nagkita ang duha niadtong Hulyo sa miaging tuig sa qualifiers sa Eastbourne International, diin midaog si Eala sa usa ka hugot nga duwa, 6-7, 7-6, -6-1.
Ingon man nga gilauman dili sayon ang duwa niini diin si Eala karon niranggo sa World No. 40 ug si Baptiste World No. 39 sa WTA rankings, busa ang ilang showdown sa Dubai gilauman nga usa pa ka hugot nga duwa.
Ang Dubai tournament mao ang katapusang assignment ni Eala sa Middle East sa dili pa siya mobiyahe sa Estados Unidos sa Marso alang sa Indian Wells Open. Sa wala pa kini, miapil usab siya sa Abu Dhabi Open ug Qatar Open isip kabahin sa iyang international campaign.
