Gi-aprobahan sa House Committee on Appropriations, sa pamumuno ni Rep. Mikaela Suansing, ang substitute bill nga ipatuman sa Presidential Merit Scholarship Program (PMSP).
Ang maong bill usa ka prayoridad ubos sa Legislative-Executive Development Advisory Council (LEDAC) agenda ni Presidente Ferdinand “Bongbong” Marcos Jr.
Diin ang walo ka bill gihiusa, lakip ang House Bill No. 5763, nga panguna nga gisulat ni Leyte 1st District Rep. Ferdinand Martin G. Romualdez uban nila ni TINGOG Party-list Reps. Yedda Marie Romualdez, Andrew Julian Romualdez, ug Jude Acidre.
Ingon man nga si Acidre ang nag-sponsor sa bill isip Chairperson sa House Committee on Higher and Technical Education.
Ang programa naggikan sa 2025 State of the Nation Address sa Presidente diin iyang gipahibalo ang usa ka merit-based scholarship alang sa mga senior high school graduates nga adunay pinakataas nga pasidungog.
Alang sa Academic Year 2026–2027, ang Commission on Higher Education (CHED) naggahin og kapin P600 milyon aron makabenepisyo ang gibanabanang 20,000 ka mga gradwado ubos sa Bagong Pilipinas Merit Scholarship.
Gitumong usab sa balaodnon ang pagsiguro sa padayon nga pagpatuman sa programa pinaagi sa usa ka lig-on nga legal nga balangkas alang sa suporta nga nakabasi sa merito sa mga pampubliko ug pribado nga mga institusyon sa mas taas nga edukasyon.
Ubos sa balaodnon, ang programa ibutang ubos sa CHED ug maghatag ug komprehensibo nga tabang pinansyal lakip ang libre nga tuition ug uban pang bayranan, allowance para sa mga libro, kagamitan ug internet, allowance sa uniporme o sinina, dormitoryo o transportasyon, ug uban pang mga galastuhan sa panginabuhi.
Gisugyot sa komite ang pag-amendar sa temporaryo nga probisyon aron malikayan ang doble nga mga benepisyo sa scholarship sa parehas nga panahon.
Girekomenda usab niini ang pagdugang sa tinuig nga grant gikan sa ₱20,000 ngadto sa ₱90,000 para sa mga iskolar sa mga pribadong institusyon ug ₱45,000 para sa mga naa sa mga pampublikong eskwelahan.
Ang pundo para sa unang tuig sa implementasyon kuhaon gikan sa kasamtangang alokasyon sa CHED, samtang ang mosunod nga pundo ilakip sa tinuig nga General Appropriations Act.
Ang balaodnon gikatakda na nga ipresentar sa plenaryo para sa dugang nga deliberasyon.
