Gikabutyag ni Vice Governor Glenn Anthony Soco maayo ang nahitabong proceeding sa Committee hearing sa Committee on Waste and Means ug Committee on Law and Ordinances niadtong Huwebes, Marso 12.
Gidugang ni Soco nga anaa ang presensya pipila ka sakop sa Hunta Probinsyal ug pipila ka mga opisyales sa Executive Department.
Mao kini ang gikabutyag ni Soco atol sa eksklusibong pakighinabi kaniya sa Bombo Radyo Cebu, aron susihon ang nahimong dagan sa pagdungog niadtong Huwebes, kabahin sa Apo Land and Quarry Corporation (ALQC).
Giasoy usab ni Soco nga subsob nilang pagatukion kung unsa ang mamahimong dagan sa Compromise Agreement sa APO, kung pa ingun ba kini sa pag-aprobar o isalikway kini sa Hunta Probinsyal.
Ingun man nga pagalantwan usab niini ang kabahin sa legality ug ang matag proseso, ingun man ang kantidad nga 111M ug ang diskwento nga 83% kung maka makatarunganon ba.
Ingun man nga giklaro usab ni Soco nga mao kini ang butang nga una niyang i-address, apan dili niya buot unhan ang sa askyon Committee gumikan kay nakonsiderar kining Provincial decision, busa maghuwat kini sa hingpit ug opisyal nga desisyon sa komite.
