MANDAUE CITY,CEBU- Subay sa nagpadayong tensyon sa Middle East, hinungdan nga padayong nisaka ang presyo sa mga produktong petrolyo, hugot nga gimando ni Mandaue City Mayor Jonkie Ouano ang pagpatuman sa 4 day work-weel sa Mandaue City hall, ug ipatuman kini sunod semana.
Matod pa ni Ouano, kini nagtumong sa pagdaginot sa suplay sa roduktong petrolyo ug malimitahan ang paggamit sa mga Goverment owned vehicles.
Apan, gitataw ni Ouano nga walay labot sa maong lakang ang mga sakyanan nga gamiton atol sa mga emerhensya, sama nalang sa ambulansya, sakyanang gamiton sa mga sakop sa kapulisan, ug ingun man sa City Disaster Team.
Lakip sa mga lakang nga ipahamtang sa Mayor nga nagtumong sa pagdaginot og enerhiya mao ang online set-up meeting, nga imbes magtagbo sa usa ka meeting, pagahimuon nalang kini pamaagi online.
Gawas niana, sa oras nga mahuman na ang mga trabaho o working hours, ipa-off na ang mga appliance nga nakakunsomo og enerhiya sama sa aircon.
