Nakatabang ang Philippine Red Cross og 7,137 ka mga indibidwal taliwala sa nagpadayon nga pag-obserbar sa Semana Santa karong tuiga.
Sa pinakabag-o nga datos sa alas 9:00 sa buntag karong Sabado, Abril 4, ang PRC nagtaho nga adunay 6,514 ka mga indibidwal ang gisusi ang ilang mga vital signs, samtang 583 ka minor cases ug 26 ka major cases.
Adunay usab 14 ka mga pasyente nga gidala sa mga ospital.
Sa report sa PRC niadtong Biyernes, adunay mga pasyente nga gidala dayon sa ospital tungod sa mga seryosong insidente sama sa pagkahulog ug pagkawala sa panimuot.
Samtang sa dagkong mga kaso, ang PRC nagtaho nga adunay mga indibidwal nga nakaagom og mga bali.
Ang Welfare Desks sa PRC naghatag usab og kritikal nga suporta sa 105 ka mga indibidwal, diin 52 ang gihatagan og psychological support.
