Gilusad sa Technical Educational and Skills Development kon TESDA ang labing una nga inisyatiba nga cashless allowance alang sa mga scholars sa usa mga dakong tunghaan sa Sugbo sa Barangay Mambaling, kagahapon Miyerkules, Abril 23.
Kini ang labing unang cashless allowance program sa Central Visayas, diin liboan usab ka mga benepisyaryo ang nakahimulos sa programa sa TESDA diin moabut sa 1,445 ang makabaton og libreng pag-iskwela samtang magdawat matag-semester og halos 15,000 nga allowance matag istudyante sa mga nagkalain-laing kurso.
Langkoban kini sa 945 ka mga istudyante sa Hospitality and Management samtang 450 ka mga Tourism Management ang makabenipisyo sa maong programa.
Tumong sa paglusad sa cashless program, mao ang mas mapadali ang pagclaim sa mga scholars sa ilang per semester allowance, diin gamitan kini pinaagi sa Land Bank App sa pagwithdraw niini.
