Wala na makurat ang grupo sa depensa ni Bise Presidente Sara Duterte sa nahimong finding sa House Committee on Justice nga adunay probable cause batok kaniya tungod sa direksyon sa nangaging mga hearing.
Sumala sa ilang pahayag, nagpadayon sila sa pagtuo nga ang proseso sa komite lahi sa disenyo sa Konstitusyon.
Imbis nga magpabilin sa mga napamatud-an nga reklamo ug sa ilang mga kalakip, ang proseso gipalapdan aron maapil ang mga isyu nga angay lamang hisgutan sa usa ka full trial.
Sa hitabong hearing gahapong adlawa, uban sa boto nga 53 nga pabor ug unanimous sa mga magbabalaod, natino nga ang duha ka impeachment complaints batok kang VP Sara Duterte adunay ‘probable cause’.
Samtang, nipadayag og tumang kalipay ang nabati ni Mamamayang Liberal Party-list Rep. Leila De Lima kabahin sa resulta sa impechment complaint hearing batok kang Vice President Sara Duterte.
Matud niini, nga kalampusan kini alang sa mga complainants ingon man sa mga katawhan nga nagpakita nga adunay kauswagan kabahin sa adunay mahimong responsable sa korapsyon.
Mihatag usab kini og mensahe kang VP Duterte nga wala nalipay ang komitiba sa iyang wala pagtambong sa pagdungog.
