Nagpabiling mabinantayon ang kampo ni Vice President Sara Duterte bisan pa sa mga taho nga daghang mga senador ang posibleng mosuporta kaniya kung ang Senado magtigom isip impeachment court.
Sumala sa tigpamaba sa depensa nga si Atty. Michael Poa sa usa ka interbyu sa Bombo Radyo, dili pa siya kampante sa gidaghanon sa mga senador nga posibleng modapig sa bise presidente tungod kay, matod niya, kini usa ka isyu sa politika.
Gihisgutan ni Poa nga ang politika kusog nga nagbag-o busa dili angay nga isipon ang mga senator-judges isip mga kaalyado.
Sa pagkakaron, ang legal team naka-focus sa pagpalig-on sa ebidensya ug pag-andam sa mga saksi alang sa usa ka posible nga husay.
Gipaniguro ni Poa nga ang mga senator-judges mobotar base sa ebidensya ug testimonya, dili sa politikal nga kaakibat.
Nagtuo ang kampo ni VP Sara nga ang proseso mahimong patas kung magsugod na ang husay.
