Adunay mga reklamo ang mga kahigalaan ug mga classmates ni Vince Francis Dingding, tungod sa giingong dili sila tugutang makaduol, makalantaw, sa patayng lawas ni Dingding nga kasamtangang anaa sa Cauayan, Negros Occidental.
Subay niini, giberipika sa Bombo Radyo Cebu ang maog impormasyon pinaagi sa pagkab-ot sa linya sa tigpamaba sa VISCOM Army nga si Lieutenant Colonel Israel Galorio, diin matod niya, nagtuo siya nga naa na kana sa lebel sa PNP, kay ang kalibre gikan sa iyang nahibal-an, parte gihapon sa usa ka identified, mao nga ang pagkumpirma nga ang miyembro sa pamilya kabahin sa proseso sa pag-ila sa PNP-SOCO.
Apan dugang ni Galorio, ang problema, kining mga classmate ni Dingding nga nagpaila sa ilang kaugalingon dili mga miyembro sa pamilya, kay sa pagkakaron nakig-coordinate sila sa pamilya aron moadto sa maong dapit aron kumpirmahon kung si Dingding ba gyud kana ug gitino niini nga kana nga proseso kritikal kayo, busa mas maayo nga dili lang usa kini isapublikas sa ubang indibidwal.
Samtang sa dugang taho gikan mga gituohang higala ni Dingding, nagkanayon kini nga “dehumanizing” ang kasamtangang kahimtang sa patayng lawas ni Dingding gumikan kay matod pa, giingong gisulod lang kini og kahoy.
Apan, pangutana ni Galorio, personal ba gayud kini nakit-an sa mga higala ni Dingding o wala. Hinungdang naka-ingun kini nga usa lang kini ka propaganda, ug mitambag nga mas angayang tun-an una sa mga giingong higala ni Dingding kung wala ba kini “conflict” sa dili pa mopagawas og bisan unsang propaganda, tungod kay naghatag lang kini og kalibog.
Ilabi nga dili ra dugay nga mibutyag kini nga giingong wala kini sila tugoti nga makaduaw o makalantaw sa patayng lawas ni Dingding, apan aduna nasay laing storyang nigawas nga gikonsiderang dehumanizing ang kahimtang ni Dingding.
Subay niini, giklaro ni Galorio nga parte sa proseso sa PNP-SOCO sa pag-ila sa patayng lawas sa biktima, gikinahanglang family members up to the second degree of consanguinity.
Gikabutyag usab ni Galorio nga makasubo ang balita nga nigawas sa milabayng adlaw nga dili na kuhaon sa kabanay ni Dingding ang patayng lawas niini.
Busa alang kaniya, ang kining hugpong sa mga NPA, dili lang ingun nga nagguba sa kinabuhi sa usa ka indibidwal, apan lakip na usab nga nagguba sa relasyon tali sa matag pamilya.
Dugang niya, giingon nalang og gihiloan o giilad ang mga panglantaw sa mga kabatan-onan niining NPA, kinsa gitawag kining terror grooming, diin gibahod kini isip usa ka aktibista ug pangdalhun sa kabukiran.
Hinungdan nga subay sa suwat nga gipagawas sa pamilya ni Dingding, gikabutyag ni Galorio nga nakasabot kini sila sa nahimong baruganan sa pamilya niini.
