Gimandoan sa Mandaue City Council ang buhatan sa Office of the Building Official lakip na ang buhatan sa Deparment of General Services sa pagpahigayon og Disaster Mapping matag tuig sa tanang mga nag-unang mga edipisyo og establisyemento nga anaa sa Dakbayan sa Mandaue.
Matud ni Mandaue City Councilor Carlo Fortuna, gimandoan ang OBO nga ilhon og sutaon ang mga pribadong establisyemnto ug critical areas sa dakbayan hilabi na ang pagsusi sa mga nag-unang edipisyo o istruktura.
Kini aron madeterminar sa Disaster Risk Reduction Management Office ang kinahanglang tubag kung adunay motumaw nga mga emerhensiya sama sa sunog; ammonia leak og nagkalain-laing trahedya nga posibleng malikayan.
Lakip sa kinahanglang susihon sa Deparment of General Services sa Mandaue, ang mga bahin usab nga adunay hulga sa kinabuhi sama sa mga taytayan, Public Offices ug mga pasildad.
Gihimug-atan usab ni Fortuna, nga kinahanglang ipahigayon ang Disaster Mapping matag tuig aron malikayan ang mga dagkong kadaot mugna sa kalamidad.
Samtang magkinahanglan usab ang pagpakig-alayon sa Barangay Officials alang sa pagsusi kung updated ba ang listahan o pagparehistro sa mga nagpuyo sa mga nagkadaiyang establsyemento.
