Nakaagom ang mga Pilipinong marinero og usa ka bayanihon ug makalilisang nga kasinatian human nila maluwas ang mga tripulante sa usa ka bulk carrier nga gibiyaan sa dagat human sa sunod-sunod nga mga pag-atake sa drone.
Ang nasunog nga barko nailhan nga Liberia-flagged bulk carrier nga MV ANNA S (Monrovia). Sumala sa usa ka maritime security report, ang barko naigo sa lima ka aerial drone sa Black Sea samtang kini naglawig.
Diin malampuson nilang naluwas ang tanang 21 ka tripulante sa MV Anna S, nga walay naangol o namatay atol sa rescue operation.
Bag-o pa lang nakagikan ang barko sa Novorossiysk, Russia human dul-an duha ka semana nga pagpabilin sa maong dapit tungod sa kanunay nga hulga sa pag-atake sa mga drone.
Pipila lamang ka oras human sa ilang paglayag, nakadawat sila og distress call gikan sa MV Anna S. Bisan pa sa peligro, mipadayon ang mga tripulante sa lugar aron motabang./
Sumala sa crew, kalit ang ilang pag-rescue ug ang mga naluwas wala nay mga life jacket ug wala usab dala nga personal nga mga dokumento.
Dugang pa, overloaded na ang rescue boat atol sa operasyon.
Human sa rescue, nagtuo ang mga tripulante nga nakabiya na sila sa high-risk area. Apan sa wala damha, naigo ang ilang barko og duha ka drone.
Bisan pa sa pag-atake, nagpabiling maayo ang kondisyon sa main engine sa barko, nga maoy nakatabang aron makapadayon sila sa ilang biyahe.
Gipasalig ug gipasalamatan sa mga tripulante ang kaluwasan nga ilang nadawat ug nangayo og mga pag-ampo alang sa tanang mga marinong naglayag sa mga high-risk areas.
Gipadayag usab ang pagdayeg kang Captain Josef Mana-ay ug sa team nila Diskarting Marino, Chief Officer Horolan, Third Engineer Eslava, ug AB Allen Tubo tungod sa ilang kaisog sa pagpatuman sa rescue operation.
