Nipadayag si Akbayan Party-list Representative Percival “Percy” Cendaña sa iyang suporta sa hukom nga giluwatan sa impeachment court ubos sa pagdumala ug liderato ni Presiding Officer ug Senate President Chiz Escudero.
Matud pa ni Cendaña, ang desisyon klaro ug makatarunganon tungod kay kini nagsunod ug nagpatuman sa mga lagda alang sa prosekusyon ug depensa aron malikayan ang paghisgot sa “mga merito sa kaso” gawas sa impeachment court
Gipahinumdoman usab ni Cendaña ang matag bahin, ilabina ang depensa sa bise presidente, nga sundon ug tumanon kini nga probisyon.
Gitataw niya nga sa laing bahin, dihang giluwatan na ang hukom, ang pikas bahin naghisgut pa sa merito sa kaso. Dugang pa niya nga importante kaayo nga ang tanang desisyon ug aksyon nga himoon ibase sa ebidensya ug hustisya.
Iyang gipasiugda nga ang mga proseso sa impeachment usa ka kombinasyon sa mga proseso sa politika ug hudisyal.
Tungod niini, ang opinyon sa publiko ug ang pagsabot sa publiko sa teknikal ug legal nga mga aspeto sa kaso hinungdanon kaayo.
Gipahayag usab ni Cendaña nga ang pahinumdom ni Escudero nagsilbing sukaranan nga pahinumdom sa mga miyembro sa Senado nga kinahanglan molihok ug modesisyon isip mga imbestigador ug “senator-judges” nga walay paboritismo.
