Nagpahimangno ang Department of Health (DOH) sa publiko nga likayan ang maligo o madula sa baha tungod sa hulga sa makamatay nga leptospirosis, subay sa halapad nga pagbaha sa Metro Manila ug uban pang rehiyon nunot sa Habagat.
Sumala sa DOH, delikado ang tubig-baha tungod nakontamina niini ang ihi sa mga infected nga mananap nga moresulta og impeksyon ug uban pang waterborne diseases.
Kahinumduman nga misaka na usab ang mga kaso sa leptospirosis sa nasud human ang sunod-sunod nga pag-ulan ug grabe nga pagbaha niadtong milabay nga semana.
Aron matubag ang maong sitwasyon, gisiguro sa ahensya ang maayo nga hospital referral system, igo nga supply sa mga tambal ug dali-ang atensyong medikal alang sa mga pasyente.
Lakip usab sa mga dali-ang lakang sa DOH ang pag-deploy og dugang mga nurse, igon man ang pagtukod og mga tent ug dugang nga cot beds sa mga ospital.
Sa kasamtangan, activated na usab ang Leptospirosis Express Lanes sa 33 ka DOH hospitals sa Metro Manila, Region I, II, III, ug CAR alang sa mas paspas nga pagtubag sa mga may sintomas.
