Gipasabot ni Atty. Rameses Victorius Gatchalian Villagonzalo, ICC accredited lawyer kon nganong kinahanglang ilakip ang mga kabtangan ug kita sa kapikas ni Vice President Sara Duterte sa dihang mag-file sa Statement of Assets, Liabilities, and Net Worth (SALN).
Matod ni Atty. Villagonzalo, alang sa mga magtiayon nga nagpakasal human gipatuman ang Family Code niadtong 1988 nga walay gipirmahan nga prenuptial agreement, ang kaminyoon awtomatikong gidumala ubos sa sistema sa Absolute Community of Property.
Ubos niining probisyon sa balaod, ang tanang kabtangan ug bahandi nga naangkon sa magtiayon giisip nga gipanag-iya nilang duha ug mahulog sa 50-50 nga pagbahin.
Tungod niini, gimando sa balaod ang pagdeklarar sa mga kabtangan ug kita sa kapikas diha sa SALN, sanglit ang tanang naangkon atol sa kaminyoon iya man sa duha ka partido.
