Nibisita si Bise Presidente Sara Duterte sa Queen City Memorial Gardens sa Dakbayan sa Sugbo aron sa paghatag og pagtahod ug paghandom sa mga mitaliwan na nga kabanay ug mahal sa kinabuhi atol sa pagsaulog sa Kalag-kalag.
Sa iyang pag-abot sa maong sementeryo, gidala sa Bise Presidente ang iyang simpleng paghandom pinaagi sa pag-halad og buwak ug pagdagkot og kandila. Nakig-storya usab kini sa pipila ka mga tawo nga anaa didto nga naghandom usab sa ilang mga mitaliwan nga pamilya.
Gipahayag sa iyang grupo nga ang maong pagbisita kabahin sa personal nga obligasyon sa Bise Presidente sa paghatag og bili sa tradisyon sa All Saints’ ug All Souls’ Day, lakip na ang pagpadayag og suporta sa seguridad ug kaayohan sa mga lumulupyo nga naggahin og oras sa pagbisita sa ilang mga minahal sa kinabuhi.
Nagpabilin namang hapsay ug malinawon ang dagan sa seguridad sa maong sementeryo sa pag-abot sa Bise Presidente sa pakig-alayon sa lokal nga kapolisan sa Sugbo.
