CEBU CITY — Gitataw ni Cebu City South District Representative Rodrigo “Bebot” Abellanosa nga nibalik na sa normal ug hapsay ang takeover sa hearing sa kongreso ilabi na nga wala na nagsamuk-samuk si kanhi House speaker ug Taguig Pateros Representative Alan Peter Cayetano.
Gibutyag ni Abellanosa nga adunay gamay nga tension ang nahitabo gumikan kay naka-padlock pa ang plenary session, inay, nanaka ang mga magbabalud sa 2nd floor ug ilang nasayran nga adunay access kini sa plenary session.
Nilingkod na usab isip bag-ong house speaker si Marinduque Representative Lord Allan Velasco sa special session kagahapon.
Una niiini, nipahibalo si Cayetano sa iyang social media post nga dili na kini maghasul-hasul ug ni-render kini sa iyang irrevocably resignation.
Apan, giklaro ni Abellanosa na wala nay irrevocably resignation nga mahitabo tungod hagbay ra kini gihulipan ni Velasco human sa nahitabong pinili-ay sa mga magbabalud sa Celebrity Plaza.
Sa laing bahin, gibutyag ni Abellonasa nga gipaspasan na ang 2021 budget hearing ug nalaum kini nga mapasar ang maong balaudnon sa Third Reading sa adlaw nga biyernes.
Gi-saysay usab niini ang giduso niini nga mga yangu-yangu sa buhatan sa Department of Social Welfare and Development kabahin sa ilang budget ilabi na sa Social Amelioration Programs.
Matud pa sa magbabalud nga buot niini nga mahatagan ang tanan mga qualified sa maong ayuda diin adunay nalangay sa pagdistribute, ang uban kay nagkalisod sa payout tungod wala nakadawat sa text kay hinulman ang selpon ug uban pang mga reklamo.
Gibarugan ni Abellonasa ang naasoy nga departamento ug gi-presentar kini sa kongreso. /EKP/GN
