Misaka sa ika-75 nga puwesto ang Pinay tennis star nga si Alex Eala basi sa pinakaulahing ranking nga gipagawas sa Women’s Tennis Association (WTA).
Kahinumduman nga sa wala pa misalmot sa 2025 Miami Open, kay anaa sa ika-140 si Eala, apan tungod sa iyang impresibong performance, nakahimo kini sa paglukso sa kinatibuk-an nga 65 ka mga players nga mas taas pa niya sa kanhing mga players sa WTA sa miaging mga WTA.
Kini human nga napalukapa sa teenager ang pipila ka mga Grand Slam winner sama nila ni Jelena Ostapenko sa Latvia sa Round of 64, Madison Keys sa United States sa Round of 32, ug Iga Swiatek sa Poland sa quarterfinals.
Tungod niini, nitaas ang kahigayonan ni Eala nga makasulod sa upat ka dagkong tennis tournaments sa tibuok kalibotan, nga kasagarang gitambongan sa mga tennis legend.
Naglakip kini sa Australian Open, French Open, Wimbledon, ug US Open.
Sa pagsaka sa 19-anyos sa WTA sa Top-100, nalakip siya sa walo ka mga players sa tennis sa kalibutan nga maisip nga labing bata nga nakasulod niini.
Ang 19-anyos nga tennis star gilauman nga makigsangka pag-usab sa sunod nga internasyonal nga mga torneyo sa tennis human sa iyang impresibong kampanya sa Miami nga opisyal nga natapos sa miaging semana.
