Malaumon ang Philippine Tennis Association (PhilTA) nga makaduwa si Pinay tennis star Alex Eala sa Philippine contingent sa umaabot nga Southeast Asian Games.
Matod ni PhilTA Executive Director Tonette Mendoza, nagka-estorya na sila sa 20-anyos nga Pinay star ug nipadayag usab kini og interes nga makigduwa sa ubang tennis players gikan sa nasod.
Apan, nagdepende pa kini sa schedule ni Eala, ilabi na kay aduna pay laing mga torneyo nga mahimong salmotan ang World No. 65.
Sa pagkakaron, ang PhilTA naglaum nga sa panahon nga moabot ang SEA Games 2025, si Eala mahimong kabahin na sa Team Philippines aron mangulo sa tennis contingent sa nasod.
Kon ang Miami Open wild card sa kataposan kabahin na sa Team Philippines, aduna siyay kahigayonan nga makadaog sa iyang unang gold medal sa SEAG human malimitahan sa bronze medal sa 2021 Games.
Ang SEAG 2025 gikatakdang ipahigayon sa Thailand sa Disyembre.
