Nakalas ang Armed Forces chief of staff nga si Abdolrahim Mousavi, uban sa pipila ka mga senior officals sa militar human ang Estados Unidos ug Israel nagpahigayon og mga airstrike batok sa Iran.
Sumala sa usa ka lista nga gipagawas sa state TV, si Defense Minister Aziz Nasirzadeh, ang hepe sa Revolutionary Guards nga si Mohammad Pakpour, ug ang defense head nga si Ali Shamkhani lakip usab sa mga namatay.
Sumala sa report, ang mga pag-atake nahitabo atol sa usa ka “defense council meeting” isip tubag sa mga pag-atake sa US ug Israel.
Samtang, namatay usab sa laing airstrike, ang Police intelligence chief sa Iran, si Gholamreza Rezaian.
Nunot niini, gilunsad sa Iran ang usa ka bag-ong balud sa mga pag-atake sa missile ug drone nga nagtumong sa mga base militar sa US sa rehiyon ug sa Israel, nga giingong usa ka lakang sa pagbalos sa wala’y hinungdan nga mga pag-atake sa duha ka nasud nga giingong nakapatay sa ilang supreme leader.
Lakip sa mga target mao ang 27 ka mga base sa US sa rehiyon, ingon man ang military headquarters sa Israel ug usa ka defense industries complex sa Tel Aviv.
