CEBU – Nakaangkon ug 14 ka samad dinunggaban ang usa ka babaye human gidunggab kini sa bana ra usab niini nga nahitabo sa Barangay Maluyong, Badian, Cebu.
Ang biktima giila nga si Jing-jing Cahayagan Saldua 27 anyos ang panuigon ug ang suspetsado nga bana ra usab niini mao si Rolly Duerme Saldua 30 anyos ang panuigon ug lumulopyo ra sa naasoyng dapit.
Sa inisyal nga imbistigasyon sa kapulisan sa Badian pinaagi ni Police Corporal Abellano Cabaluna Jr. , desk officer sa Badian Police, nga naglalis ang mag asawa tungod sa selos hinungdan nga gidunggab sa bana ang asawa niini ug naka angkon ug 14 ka samad.
Dali ra hinuon gidala sa paryente ang biktima sa tambalanan.
Samtang ang suspetsdao nasikop ra dayun kini alas 11 sa gabie.
Kasong frustrated parricide ang atubangon karon sa suspetsado.
