LAPU-LAPU CITY- Natikyaob ang usa ka bangka sa kadagatan sa dakbayan sa Lapu-Lapu nga gikan sa isla sa Olango tungod sa nasugatan nga bati nga panahon sa lawod kagahapon sa hapon adlaw sa Lunes, Septiyembre 16, 2024.
Wala ka-abot sa dungguanan ang maong bangka nga padulong unta sa mainland Mactan.
Kung diin, naabtan na kini sa mga sakop sa Lapu-Lapu City Disaster Risk Reduction and Management Office (CDRRMO) sa shoreline sa Sitio Datag, Barangay Maribago sa maong dakbayan.
Na-rescue ang pumpboat operator sa maong bangka nga giilang si Elino Vaño Patigdas, 47-anyos uban sa laing walo (8) ka mga pasahero niini.
Gikatahong nabuslot ang maong bangka sa dihang duol na sila sa mainland Mactan og daling milayat sa dagat ang mga pasahero samtang namaneho pa ni Patigdas ang maong bangka sa doul nga resort diin na kini natabangan sa mga rescuer.
