LAPU-LAPU CITY, CEBU-Subo nga gipadayag ni Garry Lao, ang Executive Director sa City of Lapu-Lapu Office for Substance Abuse Prevention (CLOSAP) nga nagpositibo sa gipahigayon nga suprise drug test ang usa ka Barangay, Official sa dakbayan sa Lapu-Lapu.
Mao kini ang resulta sa kinalit nga drug test niadtong unang semana sa Hunyo atol sa ilang session.
Ingon man nga human sa pag-gawas sa resulta, dali nila kining gipaubos sa confirmatory test apan, niadtong Hunyo 23 ning tuiga, kay kompirmadong positibo gayud ang maong opisyal.
Gipahibalo usab ayon ni Lao si Mayor Junard Ahong Chan, ang Kapitan sa Barangay kung asa naggikan ang maong opisyal, ug ang Department of Interior and Local Government kon DILG Lapu-Lapu.
Tungod sa maong panghitabo ug subay sa nakasuwat sa Section 8 sa Ordinansa sa ilang dakbayan, girekomendar nga suspendihon ang maong opisyal sulod sa unom ka buwan ug walay sweldo aron mopaubos sa Government Rehabilitation Center.
Mipasalig si Lao nga magpadayon ang ilang pakigbisog sa ilang kampanya arun hingpit na gayud nga matuldokan ang matang sa iligal nga drugas, ingon man nga dili sila magpanuko bisan paman nga mapa-opisyales man o dili kay pahamtangan gayud og tukmang silot nga anaa sa balaod.
