CENTRAL VISAYAS-Gipaambit ni Dr. Salustiano Jimenez, ang Regional Director sa Department of Education, Central Visayas nga padayon sa gihapon ang brigada eskwela alang sa school year 2024-2025.
Diin nakigtambayayong sila sa nagkandaiyang ahensya sa gobyerno sama sa force multipliers, sakop sa Philippine National Police, mga ginikanan, lakip usab ang mga tinun-an arun sa pagpangandam sa umaabot nga pag-abli karong Hulyo 29, 2024, sunod semana.
Gitumong usab sa maong kalihokan arun dili na mahimong rason nga mabalda ang unang adlaw sa klase sa mga bata tungod palimpyohon pa kini.
Subay niini, gipanawagan ug giawhag ni Dr. Jimenez ang mga ginikanan nga magpa-enroll na sa ilang mga anak nga wala pa na-enroll sa labing maayo nga dili maabtan sa cut-off karong Hulyo 26 ning tuiga.
Arun, maapil sila sa ihap nga ipasa nga datos ug maapilan sa budget.
Gipasabot usab niini nga usa sa mga rason nga adunay daghang estudyante apan, kuwang sa mga classroom tungod kini wala naapil sa naihap nga gipasa nga datos.
Hinungdan nga gidasig sa pangu ang mga ginikanan sa pagmaneho sa enrollment sa ilang mga anak arun dili magkuwang ang mga kinahanglan nga butang sa tunghaan.
