Gatusan ka mga sakop sa kapulisan ang gipakatap kagahapong adlawa, Nobyembre 30, sa gipahigayong “Trillion Peso March” sa mga dagkong kadalanan sa Sugbo, diin mokabat sa kinatibuk-ang ihap sa 174 ka mga sakop sa kapulisan ang naka-stand by.
Gawas sa gitukod nga police assistant desk sa Fueste Osmena Circle, nagpakatap usab og mga security personnel sa mga nagkadaiyang perimeter areas, aron sa pagbantay sa kalinaw og kahusayan sa dakbayan sa Sugbo, hilabi na nga liboan ka mga grupo og indibidwal ang misalmot sa halapad nga rally.
Nagpasalamat usab si PMAJ Timothy Jim Romanillos, ang
Hepe sa Abellana Police Station, nga nahimong malampuson ang gihimong actibidadis sa publiko wala gayu’y nahitabong kagubot sa mga kalihokan.
Nanghinaot usab si Romanillos, nga magpadayun ang kalinaw og organisadong mga kalihokan gumikan kay sugod sa buwan sa Disyembre hangtud na sa katapusan, adunay mga nagkadaiyang kalihokan usab nga ipahigayon sa Fuente Osmena Circle.
Samtang, base sa datos nga nakuha sa mga sakop sa kapulisan, adunay kapin 3,000 ka mga partisipante ang misalmot sa ikaduhang hugna sa “Trillion Peso March” nga gilangkoban sa nagkalain-laing religious groups og sector nga ni Marcha sa kadalanan sa Dakbayan sa Sugbo.
