Nanghulga na sa mga Sugboanong kongresista ang grupong Cebu Alliance for Duterte kung sa higayong mubotar pabor daw kini sila sa pagpa-impeach sa ilang idolong si Bise Presidente Sara Duterte.
Kini ang gipadayag sa grupo sa ilang pakighinabi sa mga sakop sa tigbalita niadtong Martes, Marso 17 kun diin namulong ang Secretary General nila nga si Jun Abines sa ilang pagpanghulga nga dapat isipon sa mga kongresista “final warning” nga gikan sa ilang bahin.
Asoy pa niini nga gidokumento na nila ang umaabot desisyon sa mga kongesista sa Sugbo sa daw ilang gipangangkon nga pag-weaponized sa 1987 Philippine Constitution sa pagpa-impeach ni Inday Sara.
Matod pa nga kung mupirma sila pabor sa impeachment ni Duterte kay susama na kini og nagpirma sila sa kamatayon sa ilang karera sa politika.
Nagpunto sab ang maong grupo nga kaysa hikayon ang mga salaod sa balaod sa ilahang idolo kay angay hatagan og atensyon ang kurapsyon sa gobyerno sama sa flood control scandal ug kadtong kadudahang mga pamahayag sa daw 18 ka kanhi sundalo sa ilang male-maletang kwarta gipanghatod nga wala nagkadimao ang dagan sa istoryang gipaligid.
Kahinumduman nga si Bise Presidente Duterte nag-atubang sa hulga sa impeachment sa ikaduhang higayon tungod sa mga klaro kalapasan niya sa balaod sama sa iyang pagpanghulga sa kinabuhi sa presidente, first lady, ug kanhi house speaker; ang alegasyong pagwari-wari sa confidential funds sa DepEd ug OVP; ug ang kadudahang kalit nga pagburot sa iyang bahandi nga di mapasabot sa pipila ka katuigan sa serbisyo isip politiko.
