-- ADVERTISEMENT --
CEBU CITY-Hatagan og cash reward ang bisan kinsa nga makahatag og impormasyon nga mosangko sa pagkasikop sa grupo sa mga lalaki nga mitulis sa duha ka mga jewelry shop sa Barangay Ermita, dakbayan sa Sugbo niadtong Huwebes, Agosto 8, 2024.
Kini ang gipahibalo ni Cebu City Acting Mayor Raymond Alvin Garcia, atol sa press briefing, nga anaa sa P100,000 nga cash reward ang ihatag niya gikan sa iyahang kaugaligun nga bulsa.
Dugang pa ni Garcia, nga mosaka pa ang reward sanglit aduna siyay mga suod nga higala ug pipila ka mga negosyante nga andam motampo alang sa cash reward.
Una na nga gimanduan ni Garcia ang Cebu City Police Office (CCPO) sa pagsulbad sa tulis sulod sa 48 oras.
