-- ADVERTISEMENT --
CEBU – Giklaro ni Cebu City Councilor Jun Gabuya nga ang mga senior citizens nga narehistro niadtong 2010 ang makadawat sa cash assistance nga P12K matag tuig.
Apan dihang nipasar kini og ordinansa nga dugangan og 3 ka tuig mahimo na usab nga makadawat ang kadtong narehistro sa tuig 2013 paubos ug kadtong narehistro sa 2014 pataas dili pa makadawat gumikan dili pa makaya sa panudlanan sa gobyerno.
Giklaro usab niini nga makadawat ra og financial assistance ang mga senior citizen bisan paman nga dili kini makabotar sa mismong adlaw sa piniliay.
Apan, niawhag kini nga mobotar sa gihapon aron dili mapapas ang pangalan sa listahan sa Comelec.
