Cebu City Police Office mopalawom sa ilang imbestigasyon kon asa gyud gikan ang kwarta nga nagpasad sa viaduct sa SRP

CEBU CITY-Mopalawom sa ilang imbestigasyon ang Cebu City Police Office (CCPO) kon asa gyud gikan ang kwarta nga nagpasad sa viaduct sa SRP niadtong miaging semana.

Matod ni Police Colonel Ireneo Dalogdog, ang hepe sa CCPO nga makaduda ang pangangkon ni John Mark Barrientos nga moabot sa P4 Million ang iyang nakolekta sa kiosk sa GCash sulod sa haduol nga mall.

Wala usab kini makapakita og record kon pila ka machine ang iyang nakolektahan.

Mohimog background investigation ang CCPO kang Barrientos lakip na ang pag-back track sa mga cctv camera sa sulod sa mall nga una niyang gibutyag nga didto sya nagkuha sa kwarta.