Mipasidaan batok sa kriminalidad nga anaa nagtikaw-tikaw sa lalawigan sa Sugbo si Cebu Provincial Governor Pamela “Pam” Baricuatro sumala sa usa ka post niini sa iyang Facebook account kagahapong adlawa sa Dominggo, Hulyo 6, 2025.
Kini ang “warning” sa gobernadora sa gihulahway niining nakapaguba sa imahe sa probinsya sa Sugbo.
Gihagit niini ang mga nalambigit sa ginadiling druga, korapsyon sa sistema sa pang-gobyerno, child pornography, human trafficking, illegal nga pasugalan, illegal nga quarrying and sand mining ug uban pa nga matod niya nakabantay na ang sakop sa kapulisan batok sa maong binuhatang bati sa mata sa balaod.
Gani dugang pahibalo niini nga ang ilang command center kay fully prepared na og andam na kining mugukod sa mga nalambigit og kalihokang kriminalidad.
Pahimangno niya nga sa sayong panahon undangon na niini ang ilang mga illegal nga kalihokan ug mubiya na sa Sugbo kay kung dili kay mag-atubang kini sa kinakusgan gahum sa balaod nga ilang ipatuman.
Tataw sa gobernadora nga dili kini matarog ang ilang baruganan batok sa ibinuhatang criminal.
Asoy niini nga ang probinsya sa Sugbo kay para sa mga matinud-anon ug mga kugihang mga lungsuranon busa dili nila i-tolerate ang bisag-unsang matang sa kriminalidad o kurapsyon.
Ang pamahayag sa gobernadora kay nagsilbing ulahing pahimangno batok kriminalidad sa iyang tinguha sa unang bahin sa iyang administrasyon sa Kapitolyo sa Sugbo.
