CEBU-Mipasaka sa dili muminos 10 counts sa cyberlibel batok sa 2 ka mga Facebook content creators si Cebu Provincial Governor Gwendolyn Garcia human kini gi-akusahan sa kurapsyon, extortion, ug abuse of power sa serye sa mga viral post online.
Kini ang gibutyag atol sa press conference sa Cebu Capitol kagahapong adalawa sa Lunes, Abril 21, 2025 diin ang mga pivate legal team ni Garcia ang misumiter sa maong mga complaints sa National Bureau of Investigation – Central Visayas (NBI-7).
Giila ang mga respondents sa maong kaso sila Michael Deen Cano alyas “Deen Chase” ug si Efren Omayan alayas “Dong Efren.”
Gipangulohan ni Atty. Alex Avisado Jr. nga senior partner sa Makati-based Gana, Atienza, Avisado Law Firm ang maong pagduso sa kaso.
Nag-ugat ang maong kaso sa post sa 2 ka mga content creators nga nag-akusar kang Garcia ug sa iyang pamilya sa pipila ka mga krimen lakip ang kurapsyon, extortion, abuse ug conflict of interest.
Matod niini ga makonsiderar kining personal nga pag-ataki nga nanukad lang sa sayup ug malisyosong kasayuran.
Samtang sa pikas bahin, nag-post si Cano og video sa iyang account diin namulong kini nga wala kini nahadlok sa gobernadora nga gitawag pa niya og “Lola.”
Dugang pa nga mibuhi kini og pamulong nga ang gobernadora kay usa ka daotan sa lalawigan ug angay nga paninglan og katin-awan sa pagdumala sa Kapitolyo.
