CEBU CITY-Nagpabilin nga labing adunahan sa Pilipinas ang lalawigan sa Sugbo sulod sa ika-10 nga sunodsunod nga higayon.
Kini tungod kay nakaposte kini og kapin sa P300 bilyones nga net equity para sa tuig 2023.
Sa datus sa Annual Financial Report sa Commission on Audit (COA) nagbutyag nga nag-una gihapon ang Sugbo sa listahan sa mga probinsya nga adunay labing taas nga equity, nga gibana-banang anaa sa P303.4 bilyones.
Ang equity nagtumong sa kantidad kung ang mga utang gikuha gikan sa mga kabtangan.
Kung diin, ang mga kabtangan sa Sugbo alang sa 2023 nagbalor og dul-an sa P309 bilyones, ang labing taas sa tanang probinsya sa nasod.//
Samtang, ang liabilities sa probinsiya nikabat sa P6.5 bilyones.
Kadaghanan sa mga kabtangan sa Sugbo anaa sa porma sa real estate.
Ang kagamhanang probinsiyal kay nipasangil sa ‘skyrocket increase’ sa ilang desisyon nga mohimo og reappraisal sa ilang real estate properties.
Nakita usab sa probinsiya ang pagsaka sa asset value niini alang sa 2023, misaka og 31 porsyento gikan sa P235.7 bilyon nga natala niini niadtong 2022.
