Kinahanglan nga tumbahon sa Cebuano Boxer ang Thai Boxer aron masiguro ang kadaugan sa nagpadayon nga mga duwa sa Southeast Asian Games.
Kini ang gipaambit ni Mark Ashley Fajardo, usa sa mga team boxer sa Pilipinas gumikan sa nahimong kasaysayan sa Thailand nga wala pa’y napildi nga boksingero sa nasud bisan paman nga klaro ug tataw nga bintaha ang kontra niini.
Busa, matud ni Fajardo nga kung adunay kahigayonan nga hingpit nga mapatumba ang Thai Boxer kay kuhaon na ang oportunidad aron masiguro gayud ang kadaugan.
Human sa kadaugan sa gitawag nga “the hitman” batok sa Indonesian Boxer, moabante na kini alang sa silver medal diin ikasangka niya ang Thailand karong umaabot nga Lunes, Disyembre 15.
Nipasalig si Fajardo buhaton niini ang iyang labing mayo ug iyang pangandaman ang umaabot nga duwa, ingon man nga dili usab siya mokompiyansa, labi na kay kusgan ang iyang kontra ug giingong pabor ang mga judges sa Thai Boxer.
