Mikaylap karon ang mga espekulasyon sa social media nga may kalabotan sa giingong bag-ong epidemya o pag-ulbo sa virus sa China.
Pipila sa mga tiggamit sa socmed ang nagpaambit sa mga video sa mga ospital nga puno sa mga pasyente ug bisan ang mga krematoryo sa China nga giingong tungod sa paspas nga pagkaylap sa “daghang mga virus” lakip ang human metapneumovirus (HMPV), Mycoplasma, Pneumonioae ug COVID-19.
Aduna usab miingon nga ang China nagdeklara sa usa ka estado sa emerhensya.
Apan kini nga mga pag-angkon wala’y konkretong ebidensya hangtod karon. Bisan ang health officials sa China o ang World Health Organization (WHO) wala’y bisan unsang kompirmasyon bahin sa bag-ong epidemya o pagdeklara sa usa ka state of calamity.
Sumala sa Financial Express, ang respiratory virus nga HMPV nga unang nadiskubrehan niadtong 2001 misaka sa amihanang bahin sa China ilabina niadtong nag-edad og 14 anyos paubos. Giingon usab niini nga ang mga impeksyon sa acute respiratory, labi na ang HMPV, mitaas base sa datos gikan sa Dec. 16 hangtod 22.
Subay niini, ang National Disease Control and Prevention Administration sa China ang responsable sa pag-verify sa kaso ug pagreport sa laboratoryo.
