Pabiling makapamaligya ang mga tindahan sa tanyag nga Colon Night Market taliwala sa hagit nga temporaryong ipasirado kini kung sa pipila ka kalapasan sa lagda sa balaod sa dakbayan.
Kini ang gipamahayag ni Cebu City Mayor Nestor Archival Sr., niadtong Dominggo, Septiyembre 28 nga matod pa walay igong rason aron ipahunong sa hamubo nga higayon ang operasyon sa maong Night Market sa dalan Colon.
Agi kini og tubag sa panawagan ni Cebu City Councilor Pastor “Jun” Alcover” kinsa nagsukit-sukit sa pag review sa balaudnon sa dakbayan aron temporaryong mapahunong kini tungod kay walay koordinasyon sa Garbo Asenso Sumbanan Alyansa kun GASA Board.
Dugang pa sa mayor nga gibutyag niini nga sa nakalabaygn katuigan kay napakyas ang GASA Board makaremit sa minilyon ka pesos nga koleksyon gikan sa mga tindahan nga nagkuha og pwesto sa Night Market.
Ingon man nga naglantaw pa karon ang Office if the Mayor sa mga kwalipikadong indibidwal nga magporma sa inisyatiba nga magtapok sa board.
Kahinumduman nga natuki sa Bombo Radyo Cebu ang kusganong pagsupak ni Alcover sa Colon Night Market nga gitawag pa og “illegal” ug “sindikato” ang mga nagpadagan niini karon tungod sa kapakyas sa pagtapok sa GASA Board.
