Padayun ang hugot nga monitoring sa Department of Energy (DOE) ugaling adunay mga abusado nga mga oil companies nga magpatuyang og saka sa presyo sa petrolyo, ug usab ang paghatag og katin-awan sa epekto niini sa katawhan.
Sa ikslusibong pakighinabi sa Bombo Radyo Cebu kang Jorey Maleza, Chief Science Research Specialist, Energy Industry Management Division—Visayas Field Office, iyahang gikabutyag nga walay direktang epekto ngadto sa katawhan ang pagsaka sa presyo sa produktong petrolyo dinhi sa nasud, taliwa sa kagubot nga gikalambigitan karon sa Iran ug Israel.
Ang nahimong ekplinasyon ni Maleza niini nga isyu
nahimong mahinungdanon tungod kay matod niya, gamay ra ang suplay sa lana nga gi-angkat sa Pilipinas ngadto sa Middle East, buot pasabot, dili kini maghatag og lapad nga epekto.
Samtang, ang nagpaluyo nga rason niana mao ang pagka indipendente sa Pilipinas sa world market, diin kung unsa ang presyo sa lana sa world market, maka apekto kini sa domestic price sa nasud.
Apan sa pagkakaron, isip paghatag og katin-awan sa katawhan, naasoy ni Maleza nga sukad pa niadtong 1991 na-regulate kini busa ang mga presyo sa petroleum products kay basi nagayud sa actual world market.
Sa katapusan, nipasalig si Maleza og ang DOE nga padayun ang ilahang pag-monitor sa mga presyo matag semana ug itandi nila kini sa World Market, aron masiguro nga husto ang price booklet. | Bombo Irene Ardiente
