Mikabat sa kapin P3 million ang nahatag sa Department of Labor and Employment alang sa mga apektadong empleyado sa Bagyong Tino ug Bagyong Uwan nga miigo sa Sugbo.
Diin gibana-bana usab nga liboan ka mga apektadong trabahante ang ilang kasamangang gimonitor aron mahatagan og P5,400 matag empleyado ug sulod sa 10 ka adlaw, aduna silay magasto sa ilang panginahanglanon.
Basi sa datos sa ahensya, sa Probinsya sa Bohol adunay 4,042 ka mga indibidwal ang ilang natabangan nga nag-budget og 23,449,200 lakip na niini ang mga Local Government Unit.
Sa Tri City diin gilangkuban sa Lapu-Lapu, Mandaue ug Cebu City kay adunay inisyal nga natala nga 540 ka mga inidbidwal ang natunulan og tabang gawas pa kini sa nagpadayon nga pagkuha og data.
Samtang, sa Cebu Provincial field office anaa sa kapin 700 ka displaced workers ang nakabenepisyo sa gibana-bana nga P4.6 million nga kantidad.
Sa pakighinabi sa Bombo Newsteam kang Roberto Bob Cabardo, Labor Information Officer gipahibalo niini nga padayon pa ang ilang assessment ug pagkuha sa mga data hinungdan nga tanang empleyado nga naapektuhan sa mga katalagman kay sigurado nga makadawat gayud og hinabang.
Apan, giklaro ni Cabardo nga ang maong hinabang dili lang financial assistance gumikan ang uban niini ipaagi sa TUPAD program. via Bombo Rocky Lavarez
