CENTRAL VISAYAS-Mipahimangno ang ahensya sa Department of Labor and Employment – Central Visayas (DOLE-7) sa mga beneficiaries sa “Tulong Panghanapbuhay sa Ating Disadvantaged/Displaced Workers” (TUPAD) program nga gamiton ang maong benepisyo para sa ilang mga pamilya ug dili sa ubang butang.
Kini ang gipamahayag ni DOLE-7 Regional Director Atty. Roy Buenafe diin mitataw kini nga bisan man walay enforcement powers ang ilang buhatan sa pagpatuman sa maong sugyot apan gihangyo niini ang mga TUPAD beneficiaries sa kaayuhan sa programa para sa ilang mga pamilya tungod sa higayong wala o minus kini og pangita sa pang-adlaw-adlaw.
Ubos sa maong programa, ang mga TUPAD beneficiaries kay gikinahanglan mu-render og dili muminos sa 4 ka oras nga community service kada adlaw sulod sa 10 ka adlaw nga serbisyo.
Pipila sa mga community service kau ang pagpanglimpyo sa kilid sa mga dalan ug mga kanal ug uban pa.
Dugang sa opisyal nga ang mga field offices ninii kay gi-assignan na sa pagpahigayon ug validation sa application sa maong programa.
Apan sa kinsa man ang nakit-an nakalapas sa kondisyon s programa kay pwede kini nilang i-blacklist ug dili na mahimong benepisyaryo sa programa subay sa DOLE Administrative Order No. 118 series of 2021.
