Adunay miilog nga anino sa manubela ang hinungdan nga nawad-an kini og control ang driver sa usa ka sa wing van truck nga adunay karga nga sako sa asukar nga milahos sa center island sa Cebu South Road Properties sa Brgy San Isidro, Dakbayan sa Talisay.
Mao kini ang gipaambit ni James Rendon, 36-anyos lumad nga taga Baranga Poblacion sa Lungsod sa San Jose Negros Island Region.
Basi sa initial nga impormasyon gikan sa CT TODA, gikataho nga ang maong truck gikan pa kini sa Dumaguete ug paingon sa Dakbayan sa Sugbo sa dihang nawad-an og kontrol ug mibangga sa center island sa SRP.
Ingon man nga daling minaog ang driver ug midagan aron mosuway sa pag-ikyas palayo sa area diin mibangga ang truck nga iyang gisakyan.//
Apan dali usab nga nagpahigayon og hot pursuit operation ang mga personnel sa City of Talisay Traffic Operation Developement Authority (CT-TODA), ug wala madugay nadakpan ra usab ang maong suspek.
Matud ni Joy Tumulak, ang pangu sa CT TODA, nga ang diver miingon nga nawad-an kini og kontrol sa truck ug naaksidente tungod kay adunay tawo nga nikalit misulod sa iyang driver seat ug misuway sa pag-ilog sa manubela.
