Nikabat na sa kapin sa P39 milyones nga kantidad ang nahatod sa Department of Social Welfare and Development (DSWD) nga humanitarian assistance sa mga dapit nga apektado sa uwan ug sunodsunod nga mga bagyo.
Matod sa DSWD, ang hinabang nga gipanghatag naglakip sa kapin sa 40,000 ka family food packs.
Gani, karong adlawa, Setyembre 26, taas pa ang ihap sa mga bakwit nga niabot sa halos 14,000 ka pamilya o katumbas sa 48,000 ka indibidwal samtang kapin sa 55,000 ka mga tawo ang temporaryong nagpuyo sa ilang mga kabanay.
Sa inisyal nga datos sa bakwit, 234 ang nahatagan og child-friendly spaces, kapin sa 100 ang women-friendly spaces samtang 20 ang gihatagan og psychological first aid.
Hinungdan sa kinatibuk-an, 314,000 ka pamilya o kapin sa 1.1 milyones ka tawo ang naapektuhan sa kalamidad sa 13 ka rehiyon.
Una nang gipasalig sa DSWD nga padayon ang pagdugang sa mga FFP ug mga hinabang sa mga lugar nga gipaabot nga maapektuhan sa Bagyong Opong.
