Nagdeklarar na sab sa ilang suspensyon sa klase ang pipila ka mga tunghaan sa paghandom sa ika-40 nga anibersaryo sa EDSA People Power Revolution karong adlawa sa Miyerkules, Pebrero 25, 2026 bisan sa deklarasyon sa Malacañan nga Special Working Holiday lang kini.
Ang mga tunghaan nga nagdeklarar kay mao ang musunod:
- Don Bosco Technical College Cebu
- Saint Francis of Assisi School
- Don Bosco Formation Center Lawaan
Samtang magpahigayon og asynchronous ug online classes ang:
- University of Cebu (all campuses)
- Cebu Institute of Technology – University
Kahinumduman nga una nang nagpahibalo sa ilang suspension sa klase ang mga tunghaan nga mao ang:
- University of the Philippines Cebu
- University of San Jose – Recoletos
- University of San Carlos
- Saint Louis College – Cebu
- Colegio de la Inmaculada Concepcion Inc. – Cebu
Ang pipila sa mga nahusgutang tunghaan kay magpahigayob og mga kalihokan sa ilang paghandum sa bili karong adlawa susama sa pagpahigayon og santos nga misa, pag-martsa sa kadalanan ug uban pa.
Ang EDSA People Power Revolution Anniversary kay tinuig nga paghandum kaniadtong Pebrero 25, 1986 sa pag-alsa sa katawhang Pilipino batok sa diktadorya sa anhing Ferdinand Edralin Marcos Sr.
