Duha ka seaman nga bag-o palang sa natad sa pulitika giproklamar nga mayor sa duha ka lungsod sa Bohol

CEBU – Duha ka seaman, nga bag-o pa lang sa politika, giproklamar nga mayor sa duha ka lungsod sa lalawigan sa Bohol kagahapong adlawa, Martes, Mayo 10,2022.

Gideklarar nga mayor sa lungsod sa Dauis si Roman “Amoi” Bullen, 65,kung diin usa kini ka kanhi master mariner o kapitan,ug miingon nga gusto niini nga mapauswag ang mga buhat sa tubig, turismo, kahimsog, ug panginabuhi sa lungsod.

Sa pikas bahin, nidaog usab ang laing seaman nga si Edgardo “Boy” Arcay,kinsa nga giproklamar nga mayor sa lungsod sa Panglao.

Matud pa sa anak ni Arcay nga si Maxelle, nga ang kadaugan sa iyang amahan maoy pagpakita nga gusto sa mga taga Panglao og kausaban.