Filipino teenager sa Milan, Italy, patay human nabangga sa tren

Patay ang usa ka Filipino teenager sa Milan, Italy human nabanggaan sa tren sa Greco-Pirelli station sa nasod.

Basi sa inisyal nga impormasyon sa mga otoridad, ang biktima daling gidala sa San Gerardo Hospital sa Monza apan gideklarar kini nga patay na.

Sumala sa imbestigasyon, ang biktima ug ang iyang mga ginikanan mitabok sa riles sakay sa ilang scooter.

Ug sa wala damha, nadasmagan kini sa miagi nga tren.

Mipaabot na sa ilang pahasubo ang Philippine Consulate General sa pamilya sa biktima.

Nanawagan usab kini sa publiko nga iampo ang kalag sa biktima.