METRO MANILA-Gisalikway sa mga mahinungdanong miyembro sa House of Representatives ang mga huhungihong nga ang ubos nga kamara nag-andam sa usa ka impeachment case batok kang Bise Presidente Sara Duterte, apan usa ka magbabalaod miingon nga dili kini usa ka sorpresa kung ang pipila ka grupo o indibidwal mosang-at sa aktuwal nga impeachment complaint batok sa bise presidente.
Sila si Rep. Jil Bongalon (Ako Bicol), House assistant majority leader Rep. Francisco Paolo Ortega V (La Union) ug Rep. Zia Alonto Adiong (Lanao del Sur) mihimakak sa mga pasangil ni kanhi presidential spokesperson Harry Roque nga nangandam na ang ubos balay-balauranan nga magsugod na ang proseso sa impeachment batok kang Duterte.
Matod ni Ortega nga wala pa siya makadungog sa maong lakang sa Kamara ug nisulti nga ang crystal ball ni Roque kinahanglan nga limpyohan.
Dugang pa ni Bongalon nga iyang gipalanog ang pamahayag ni Ortega apan midugang nga dili kini makapakurat kon ang pipila ka mga kuwarter mangita sa impeachment ni Duterte aron patubagon kini.
Samtang si Adiong,niingun nga dili angayang gamiton ang mga tabi-tabi nga basehan sa pagpakatap sa wala matino nga impormasyon.
Una niini, si Roque ni-upload og video niadtong Domingo sa gabii nga nag-alegar nga ipasaka ang impeachment complaint batok kang Duterte karong semanaha.
Ang kanhi presidential spokesperson niingon nga nadawat niya ang impormasyon gikan sa iyang mga “classmates” sa 17th Congress.
Matod pa ni Roque, nga wala siya’y pagduda nga ila kining buhaton kay ang ilang tuyo mao ang pagtangtang sa kandidato nga mokontra sa iyahang giingun nga
‘tambaloslos’.
