CEBU PROVINCE– Mipagawas og pamahayag ang NBI 7 kabahin sa usa ka inahan nga gidakop gumikan mangayo og P2,000 alang sa bayad sa kuryente sa panimalay isip bugti sa hubo nga hulagway sa iyahang anak samtang maligo.
Gidakop ang inahan sa mga ahente sa National Bureau of Investigation (NBI) Central Visayas niadtong Enero 25 tungod sa giingong pagpadala og mga hulagway ug video sa iyang hubo nga mga anak ngadto sa iyang langyaw nga mga kliyente.
Ang suspek nga si Nelsie dili tinuod niini nga pangan residente sa sa lungsod sa Pinamungajan sa habagatang kasadpan sa Sugbo.
Nasikop human sa reklamo gikan sa United States Homeland Security Investigation Office mahitungod sa iyang mga sayop nga binuhatan.
Gideklarar sa Homeland Under-Cover Agent (UCA) kaniadtong Enero 18, 2024 nga ang mga hubo nga litrato sa otso anyos nga anak nga babaye ni Nelsie gibaligya sa iyang mga kostumer sa gawas sa nasud.
