CENTRAL VISAYAS-Positibong giila ang Usa (1) sa unom (6) ka NPA nga napatay sa sunodsunod nga engkwentro sa Bohol nga si Kerlan Fanagel, ang Chairperson sa Pasakaday Salugpungan Kalimudan (PASAKA) / Confederation of Lumad Organization sa Southern Mindanao Region.
Nasayran nga si Fanagel naila kaniadto nga si Rogelio Jorillo nga taga Minglanilla, Cebu base sa Office ID nga nakuha gikan sa iyang patayng lawas.
Apan, sa dugang pag-verify ug konsultasyon sa mga kanhi rebelde nga gihimo sa AFP ug PNP, nasuta nga ang tinuod niyang pagkatawo mao si Kerlan Fanagel nga taga Brgy Poblacion, Malapatan sa Sarangani Province.
Gawas sa iyang pagka Chairman sa nahisgutang IP nga organisasyon, si Fanagel usa usab ka Council Members sa KATRIBU, usa ka nasudnong IP nga organisasyon; KALUMARAN Mindanao; ug SANDUGO, usa ka alyansa sa Moro ug IP nga mga organisasyon.
Dugang pa, nga miyembro usab siya sa Regional Urban Committee (RUC) sa Southern Mindanao Regional Command (SMRC) sa NPA, ang grupo nga responsable sa pag-organisa sa mga lumad alang sa mga protestang masa sa mga sentro sa kasyudaran sa Mindanao ug sa Metro Manila.
Gipasiugda ni Lieutenant General Benedict M Arevalo PA, ang Commander sa Visayas Command, nga ang presensya sa Fanagel dinhi sa Kabisay-an nagpamatuod sa ilahang assessment nga ang CPP-NPA naningkamot nga mabawi ang ilang nawala nga mass bases sa rehiyon nga natangtang sa NPA-infestation sa Community Support Program (CSP) Teams, uban sa suporta sa lokal nga task force aron tapuson ang lokal nga komunistang armadong panagbangi.
Gipamatud-an usab ni Lt Gen Arevalo ang ilang pasalig nga dili gayud tugotan ang pagbangon sa CPP-NPA sa rehiyon.
Kung kahinumduman, nga niadtong Mayo 12, 2015, si Kerlan Fanagel, uban sa laing 14 ka mga lider sa lain-laing mga progresibong organisasyon gipasakaan og kaso sa CIDG tungod sa kidnapping ug serious illegal detention, ug human trafficking tungod sa pagpabakwit sa gatusan ka mga lumad gikan sa Talaingod, Davao del Norte paingon sa Davao City.
Ang patayng lawas ni Kerlan Fanagel gi-claim sa iyang igsuon nga si Kernie Fanagel niadtong Septiyembre 12 sa Baguio Funeral Homes sa Carmen, Bohol.
