Mapasalamaton ang bag-ong napili nga House Speaker nga si Isabela 6th District Representative Faustino “Bojie” Dy III, ngadto sa iyang mga kaubang magbabalaod human mabutang isip bag-ong lider sa Kamara pinaagi sa mayoriya nga mga boto.
Sa opisyal nga pagdawat mo Dy sa maong katungdanan, nipasalig kini nga dili niya depensahan ang mga nakonbikto ug dili niya panalipdan ang mga kurakot sa nasud.
Iyang gitataw nga siya nagbarog uban ni Presidente Ferdinand Marcos Jr. sa pakigbatok sa korapsyon.
Sa paglingkod usab niini isip bag-ong lider sa Kamara, nisaad kini nga moserbisyo sa katawhan, ug igogol ang panahon sa pagtutok sa nag unang mga panginahanglanon sa mga Pilipino.
Samtang sa pikas bahin, sa pagkanaog ni kanhi Speaker Ferdinand Martin Romualdez, giaprobahan karon sa House of Representatives ang House Resolution No. 287, nga naghatag pasidungog kang Romualdez tungod sa iyang inila ug mahinungdanong liderato sa Kamara, ug sa iyang padayon nga kontribusyon sa pagpasiugda sa legislative excellence, nasudnong panaghiusa, ug serbisyo publiko.
Sa maong House Resolution, gipasiugdahan kini nilang Speaker Dy, Majority Leader Ferdinand Alexander Marcos, Minority Leader Marcelino Libanan, Senior Deputy Speaker David “Jayjay” Suarez, ug Deputy Speakers Janette Garin, Yasser Alonto Balindong Vhun, Jeffer Paolo Orte Singson-Meehan, Ronaldo Puno, Ferjenel Bironge, Raymond Puno, ug Ferjenel Bironge.
