Gisupak ni Israeli Prime Minister Benjamin Netanyahu ang ideya sa ceasefire sa Lebanon human gihulga sa militanteng Hezbollah nga palapdan ang mga pag-atake niini.
Ang Israeli PM mihimo sa ingon nga pahayag kasunod sa dugang nga presyur sa Amerika bahin sa nagpadayon nga mga gubat sa Israel sa Lebanon ug Gaza diin gisaway usab sa US ang bag-o nga pagpamomba sa Beirut ug nangayo ug dugang nga tabang alang sa mga natanggong nga mga Palestinian sa panagsangka sa Gaza.
Sa usa ka panag-istoryahanay tali nila French President Emmanuel Macron ug Netanyahu, nga ang Israeli PM miingon nga siya supak sa unilateral ceasefire tungod kay kini dili mausab ang kahimtang sa seguridad sa Lebanon.
Giinsister ni Netanyahu ug ang militar sa Israel nga kinahanglan adunay buffer zone sa utlanan sa Israel uban sa Lebanon diin walay presensya sa Hezbollah.
Giklaro ni Netanyahu nga dili siya mouyon sa bisan unsang kahikayan o kasabutan nga dili garantiya sa pagtudlo sa usa ka buffer zone ug dili makapugong sa Hezbollah sa paggrupo ug pag-armas.
Sa habig sa Hezbollah, ang ilang deputy leader, Naim Qassem, nitumbok nga ang bugtong solusyon niini mao ang usa ka ceasefire bisan pa nga siya mipahimangno nga ilang palapdan ang ilang mga missile attack sa Israel tungod sa giingong pagtarget sa ilang kaaway nga Israel sa tanang dapit sa Lebanon.
