Giimbestigaran sa otoridad ang kamatayon sa usa ka Japanese-national human nga giingong nalumos sa kadagatan sa Brgy. Tanawan, lungsod sa Oslob, Cebu.
Giila ang biktima nga si Mari Nobo Kurayama, 59 anyos.
Matud ni Police Senior Master Seargent Catherine Gumagay nga mibisita si Kurayama kauban ang iyang pamilya sa usa ka dagat sa Brgy. Tanawan kaganihang buntag aron mag-whaleshark watching.
Apan nabantayan na lang sa tour guide nga wala na maglihok ang biktima samtang anaa pa kini sa dagat.
Dugang pa ni Gumagay nga miresponde ang mga sakop sa Coast Guard – Tanawan Station aron suwayan og salbar ang biktima pinaagi sa pulmonary resucitation.
Human kini gi-CPR, misuka ang biktima apan wala mibuka ang mata niini.
Gidala ang Japanese-national sa labing duol nga tambalanan apan gideklarar kini nga dead on arrival.
